ਦਿਨ ਭਰ ਦੇ ਉਤਾਰ-ਚੜ੍ਹਾਅ ਤੋਂ ਬਾਅਦ ਹਰੇ ਨਿਸ਼ਾਨ 'ਚ ਬੰਦ ਹੋਇਆ ਸ਼ੇਅਰ ਬਾਜ਼ਾਰ, ਇਹ ਸਟਾਕ ਚੜ੍ਹੇ

ਮੁੰਬਈ : ਦਸੰਬਰ ਦੇ ਦੂਜੇ ਹਫਤੇ ਘਰੇਲੂ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਸੁਸਤ ਰਹੀ ਹੈ। ਅੱਜ ਮੰਗਲਵਾਰ (10 ਦਸੰਬਰ) ਨੂੰ ਮਿਲੇ-ਜੁਲੇ ਸੰਕੇਤਾਂ ਤੋਂ ਬਾਅਦ ਸੈਂਸੈਕਸ 1.59 ਅੰਕਾਂ ਦੇ ਵਾਧੇ ਨਾਲ 81,510.05 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 15 ਸਟਾਕ ਵਾਧੇ ਨਾਲ ਅਤੇ 15 ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।

ਦੂਜੇ ਪਾਸੇ ਨਿਫਟੀ ਪਹਿਲਾਂ ਮਾਮੂਲੀ ਵਾਧੇ ਨਾਲ ਖੁੱਲ੍ਹਿਆ, ਫਿਰ ਮਾਮੂਲੀ ਗਿਰਾਵਟ ਨਾਲ ਲਾਲ ਨਿਸ਼ਾਨ 'ਤੇ ਬੰਦ ਹੋਇਆ ਹੈ। ਨਿਫਟੀ50 8.95 ਅੰਕ ਭਾਵ 0.04% ਦੀ ਗਿਰਾਵਟ ਨਾਲ 24,610.05 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਨਿਫਟੀ 50 ਦੇ 23 ਸਟਾਕ ਵਾਧੇ ਨਾਲ ਅਤੇ 27 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।

ਘਰੇਲੂ ਬਾਜ਼ਾਰਾਂ 'ਚ ਇਕ ਵਾਰ ਫਿਰ ਐੱਫ.ਆਈ.ਆਈ. (ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ) ਵਲੋਂ ਵਿਕਰੀ ਦੇਖਣ ਨੂੰ ਮਿਲੀ। ਕੱਲ੍ਹ, FII ਨੇ ਸਟਾਕ ਫਿਊਚਰਜ਼ ਵਿੱਚ ਲਗਭਗ 7000 ਕਰੋੜ ਰੁਪਏ ਦੀ ਵਿਕਰੀ ਕੀਤੀ ਅਤੇ ਨਕਦ ਅਤੇ ਸੂਚਕਾਂਕ ਫਿਊਚਰਜ਼ ਵਿੱਚ 950 ਕਰੋੜ ਰੁਪਏ ਦੀ ਖਰੀਦਦਾਰੀ ਵੀ ਕੀਤੀ। ਇਸ ਦੇ ਨਾਲ ਹੀ ਘਰੇਲੂ ਫੰਡਾਂ ਨੇ 1650 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।

ਅਮਰੀਕਾ 'ਚ ਲਗਾਤਾਰ 6 ਦਿਨ ਰਿਕਾਰਡ ਬਣਾਉਣ ਤੋਂ ਬਾਅਦ ਨੈਸਡੈਕ 'ਚ ਮੁਨਾਫਾ ਬੁਕਿੰਗ ਕਾਰਨ ਲਗਭਗ 125 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ, ਜਦਕਿ ਡਾਓ ਲਗਾਤਾਰ ਤੀਜੇ ਦਿਨ ਕਮਜ਼ੋਰੀ ਨਾਲ 250 ਅੰਕ ਡਿੱਗ ਕੇ ਦਿਨ ਦੇ ਸਭ ਤੋਂ ਹੇਠਲੇ ਪੱਧਰ 'ਤੇ ਬੰਦ ਹੋਇਆ। ਅੱਜ ਗਿਫਟ ਨਿਫਟੀ 50 ਅੰਕ ਵਧ ਕੇ 24750 ਦੇ ਨੇੜੇ ਸੀ। ਡਾਓ ਫਿਊਚਰ ਫਲੈਟ ਸੀ ਅਤੇ ਨਿੱਕੀ ਲਗਭਗ 200 ਅੰਕ ਮਜ਼ਬੂਤ ਸੀ।