ਤੁਸੀਂ ਦੁੱਧ ਦੀ ਚਾਹ, ਲੈਮਨ-ਟੀ, ਗ੍ਰੀਨ ਟੀ ਜਾਂ ਬਲੈਕ-ਟੀ ਤਾਂ ਪੀਤੀ ਹੋਵੇਗੀ ਪਰ ਕੀ ਤੁਸੀਂ ਕਦੇ ਨਾਰੀਅਲ ਦੇ ਦੁੱਧ ਦੀ ਚਾਹ ਪੀਤੀ ਹੈ? ਜੇ ਤੁਸੀਂ ਨਹੀਂ ਪੀਤੀ, ਤਾਂ ਜ਼ਰੂਰ ਪੀਓ। ਇਹ ਦੁੱਧ ਦੀ ਚਾਹ ਨਾਲੋਂ ਬਹੁਤ ਜ਼ਿਆਦਾ ਸਿਹਤਮੰਦ ਹੁੰਦੀ ਹੈ, ਕਿਉਂਕਿ ਨਾਰੀਅਲ ਦਾ ਦੁੱਧ ਬਹੁਤ ਸਿਹਤਮੰਦ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਨਾਰੀਅਲ ਦੇ ਦੁੱਧ ਦੀ ਚਾਹ ਬਣਾ ਕੇ ਪੀਓ ਤਾਂ ਤੁਹਾਡੀ ਸਿਹਤ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ। ਗਰਮੀਆਂ ਦੇ ਮੌਸਮ ’ਚ ਕਿਸੇ ਵੀ ਤਰ੍ਹਾਂ ਨਾਰੀਅਲ ਪਾਣੀ ਪੀਣਾ ਬਹੁਤ ਸਿਹਤਮੰਦ ਹੁੰਦਾ ਹੈ। ਇਹ ਸਰੀਰ ’ਚ ਇਲੈਕਟ੍ਰੋਲਾਈਟ ਬੈਲੇਂਸ ਨੂੰ ਬਣਾਈ ਰੱਖਦਾ ਹੈ। ਇਸ ਨਾਲ ਡੀਹਾਈਡ੍ਰੇਸ਼ਨ ਦੀ ਸਮੱਸਿਆ ਨਹੀਂ ਹੁੰਦੀ। ਆਓ ਜਾਣਦੇ ਹਾਂ ਨਾਰੀਅਲ ਦੇ ਦੁੱਧ ਨਾਲ ਬਣੀ ਚਾਹ ਦੇ ਸਿਹਤ ਲਈ ਕੀ ਫਾਇਦੇ ਹਨ ਅਤੇ ਇਸ ਚਾਹ ਨੂੰ ਬਣਾਉਣ ਦਾ ਤਰੀਕਾ ਕੀ ਹੈ।
ਨਾਰੀਅਲ ਦੇ ਦੁੱਧ ਦੀ ਚਾਹ ਕਿਵੇਂ ਬਣਾਈਏ : ਨਾਰੀਅਲ ਦੇ ਦੁੱਧ ਦੀ ਚਾਹ ਬਣਾਉਣ ਲਈ, ਤੁਹਾਨੂੰ 3 ਗ੍ਰੀਨ ਟੀ ਬੈਗ, 1 ਕੱਪ ਨਾਰੀਅਲ ਦਾ ਦੁੱਧ, 4 ਕੱਪ ਪਾਣੀ, 2 ਚਮਚ ਕਰੀਮ, ਵ੍ਹਾਈਟ ਜਾਂ ਬ੍ਰਾਊਨ ਸ਼ੂਗਰ ਚਾਹੀਦੀ ਹੈ। ਚਾਹ ਦੇ ਬਰਤਨ ’ਚ 4 ਕੱਪ ਪਾਣੀ ਉਬਾਲੋ। ਇਸ ’ਚ ਗ੍ਰੀਨ ਟੀ ਬੈਗ ਪਾਓ। ਹੁਣ ਇਕ ਕੱਪ ਨਾਰੀਅਲ ਦਾ ਦੁੱਧ ਅਤੇ ਕਰੀਮ ਪਾ ਕੇ ਚੰਗੀ ਤਰ੍ਹਾਂ ਉਬਾਲ ਲਓ। ਹੁਣ ਗ੍ਰੀਨ ਟੀ ਬੈਗਸ ਨੂੰ ਕੱਢ ਲਓ। ਹੁਣ ਸੁਆਦ ਅਨੁਸਾਰ ਚੀਨੀ ਪਾਓ ਅਤੇ ਸਿਹਤਮੰਦ ਜ਼ਾਇਕੇਦਾਰ ਚਾਹ ਨੂੰ ਪੀਓ।
ਨਾਰੀਅਲ ਦੇ ਦੁੱਧ ਦੀ ਚਾਹ ਪੀਣ ਦੇ ਫਾਇਦੇ
ਮਾਹਿਰਾਂ ਦੀ ਮੰਨੀਏ ਤਾਂ ਨਾਰੀਅਲ ਦੇ ਦੁੱਧ ਦੀ ਚਾਹ ਇਕ ਕੈਫੀਨ ਵਾਲਾ ਪੀਣ ਵਾਲਾ ਪਦਾਰਥ ਹੈ ਜੋ ਨਾਰੀਅਲ ਦੇ ਫਲੈਕਸ ਅਤੇ ਦੁੱਧ ਨੂੰ ਹਰੀ ਜਾਂ ਕਾਲੀ ਚਾਹ ’ਚ ਮਿਲਾ ਕੇ ਬਣਾਇਆ ਜਾਂਦਾ ਹੈ। ਇਸ ਨੂੰ ਉਨ੍ਹਾਂ ਇਲਾਕਿਆਂ ’ਚ ਜ਼ਿਆਦਾ ਬਣਾਇਆ ਜਾਂਦਾ ਹੈ, ਜਿੱਥੇ ਨਾਰੀਅਲ ਆਮ ਤੌਰ ‘ਤੇ ਉਗਾਏ ਜਾਂਦੇ ਹਨ। ਨਾਰੀਅਲ ਦਾ ਦੁੱਧ ਸੈਚੁਰੇਟਿਡ ਫੈਟ ਨਾਲ ਭਰਪੂਰ ਹੁੰਦਾ ਹੈ, ਜਿਸ ’ਚ ਉੱਚ ਪੱਧਰੀ ਲੌਰਿਕ ਐਸਿਡ, ਮੈਗਨੀਸ਼ੀਅਮ, ਆਇਰਨ, ਵਿਟਾਮਿਨ ਸੀ, ਪੋਟਾਸ਼ੀਅਮ, ਫਾਈਬਰ ਆਦਿ ਹੁੰਦੇ ਹਨ। ਅਜਿਹੇ ’ਚ ਇਸ ਚਾਹ ਨੂੰ ਪੀਣ ਨਾਲ ਸਿਹਤ ਨੂੰ ਕੋਈ ਨੁਕਸਾਨ ਨਹੀਂ ਹੁੰਦਾ। ਜਦੋਂ ਤੁਸੀਂ ਨਾਰੀਅਲ ਦੇ ਦੁੱਧ ਦੀ ਚਾਹ ’ਚ ਗ੍ਰੀਨ ਟੀ ਬੈਗ ਪਾਇਆ ਜਾਂਦਾ ਹੈ ਤਾਂ ਇਸ ’ਚ ਪੌਲੀਫੇਨੋਲਿਕ ਮਿਸ਼ਰਣ ਅਤੇ ਹੋਰ ਕਿਰਿਆਸ਼ੀਲ ਤੱਤ ਵੀ ਸ਼ਾਮਲ ਹੋ ਜਾਂਦੇ ਹਨ, ਜੋ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਲਾਭ ਪਹੁੰਚਾਉਂਦੇ ਹਨ।
ਨਾਰੀਅਲ ਦੇ ਦੁੱਧ ਨੂੰ ਆਯੁਰਵੇਦ ’ਚ ਬਹੁਤ ਪੌਸ਼ਟਿਕ ਮੰਨਿਆ ਜਾਂਦਾ ਹੈ। ਇਸ ’ਚ ਅਜਿਹੇ ਤੱਤ ਹੁੰਦੇ ਹਨ ਜੋ ਹਾਈਪਰਲਿਪੀਡਮਿਕ ਨੂੰ ਸੰਤੁਲਿਤ ਕਰਦੇ ਹਨ। ਨਾਰੀਅਲ ਸਿਹਤਮੰਦ ਚਰਬੀ ਅਤੇ ਐਂਟੀਆਕਸੀਡੈਂਟ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ, ਜਿਸ ਕਾਰਨ ਇਹ ਚਮੜੀ ਲਈ ਫਾਇਦੇਮੰਦ ਹੁੰਦਾ ਹੈ। ਨਾਰੀਅਲ ਦੇ ਸੇਵਨ ਨਾਲ ਸਕਿਨ ’ਤੇ ਨਿਖਾਰ ਆਉਂਦਾ ਹੈ। ਇਸ ਦੇ ਨਾਲ ਹੀ ਇਸ ਦੇ ਦੁੱਧ ਦੀ ਚਾਹ ਪੀਣ ਨਾਲ ਤੁਹਾਡੀ ਸਕਿਨ ਜਵਾਨ, ਚਮਕਦਾਰ ਅਤੇ ਲੰਬੀ ਉਮਰ ਤੱਕ ਸੁੰਦਰਤਾ ਬਣਾਈ ਰੱਖਦੀ ਹੈ। ਇਹ ਚਾਹ ਇਮਿਊਨਿਟੀ ਵਧਾਉਣ ’ਚ ਵੀ ਮਦਦ ਕਰਦੀ ਹੈ। ਉਂਝ ਵੀ, ਕੋਰੋਨਾ ਮਹਾਂਮਾਰੀ ’ਚ, ਕਈ ਮਾਹਰਾਂ ਨੇ ਕੋਰੋਨਵਾਇਰਸ ਤੋਂ ਬਚਾਅ ਲਈ ਨਾਰੀਅਲ ਪਾਣੀ ਪੀਣ ਦੀ ਸਲਾਹ ਦਿੱਤੀ ਹੈ। ਤੁਸੀਂ ਨਾਰੀਅਲ ਦੇ ਦੁੱਧ ਤੋਂ ਬਣੀ ਚਾਹ ਪੀ ਕੇ ਵੀ ਇਮਿਊਨਿਟੀ ਵਧਾ ਸਕਦੇ ਹੋ।
ਜੇਕਰ ਤੁਸੀਂ ਭਾਰ ਘਟਾਉਣਾ ਚਾਹੁੰਦੇ ਹੋ ਤਾਂ ਨਾਰੀਅਲ ਦੇ ਦੁੱਧ ਦੀ ਚਾਹ ਪੀਓ। ਨਾਰੀਅਲ ਪਾਣੀ ਦੀ ਤਰ੍ਹਾਂ ਇਹ ਚਾਹ ਵੀ ਭਾਰ ਘਟਾਉਣ ’ਚ ਤੁਹਾਡੀ ਮਦਦ ਕਰ ਸਕਦੀ ਹੈ। ਨਾਰੀਅਲ ’ਚ ਚਰਬੀ ਨੂੰ ਨਸ਼ਟ ਕਰਨ ਦੇ ਗੁਣ ਹੁੰਦੇ ਹਨ ਜੋ ਭਾਰ ਵਧਣ ਦਾ ਕਾਰਨ ਬਣਦਾ ਹੈ। ਨਾਲ ਹੀ ਇਸ ’ਚ ਕੈਲੋਰੀ ਦੀ ਮਾਤਰਾ ਵੀ ਬਹੁਤ ਘੱਟ ਹੁੰਦੀ ਹੈ। ਇਸ ਵਿਚ ਪਾਣੀ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜਿਸ ਕਾਰਨ ਇਸ ਨੂੰ ਭਾਰ ਘਟਾਉਣ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਕ ਖੋਜ ਦੇ ਅਨੁਸਾਰ, ਨਾਰੀਅਲ ’ਚ ਮੌਜੂਦ ਐਚਡੀਐਲ ਕੋਲੇਸਟ੍ਰੋਲ ਅਤੇ ਲੌਰਿਕ ਐਸਿਡ ਤੁਹਾਨੂੰ ਹਾਈ ਬਲੱਡ ਪ੍ਰੈਸ਼ਰ ਅਤੇ ਕੋਰੋਨਰੀ ਦਿਲ ਦੀ ਬਿਮਾਰੀ ਤੋਂ ਬਚਾਉਣ ’ਚ ਮਦਦ ਕਰ ਸਕਦਾ ਹੈ। ਅਜਿਹੀ ਸਥਿਤੀ ’ਚ ਨਾਰੀਅਲ ਦੇ ਦੁੱਧ ਦੀ ਚਾਹ ਪੀਣ ਨਾਲ ਸਮੁੱਚੀ ਸਿਹਤ ਨੂੰ ਫਾਇਦਾ ਹੁੰਦਾ ਹੈ।