ਸਾਲਵੈਂਟ ਐਕਸਟਰੈਕਟਰਜ਼ ਐਸੋਸੀਏਸ਼ਨ ਆਫ ਇੰਡੀਆ (SEA) ਨੇ ਮਾਰਚ 2025 ਲਈ ਆਇਲਮੀਲ ਨਿਰਯਾਤ ਅੰਕੜੇ ਜਾਰੀ ਕੀਤੇ ਹਨ। ਭਾਰਤ ਨੇ ਮਾਰਚ ’ਚ ਕੁੱਲ 4,09,148 ਟਨ ਆਇਲਮੀਲ ਨਿਰਯਾਤ ਕੀਤਾ, ਜਦੋਂ ਕਿ ਮਾਰਚ 2024 ’ਚ ਇਹ ਅੰਕੜਾ 3,95,382 ਟਨ ਸੀ ਯਾਨੀ ਸਾਲਾਨਾ ਆਧਾਰ 'ਤੇ 3% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਹਾਲਾਂਕਿ, ਅਪ੍ਰੈਲ 2024 ਤੋਂ ਮਾਰਚ 2025 ਤੱਕ ਦੀ ਪੂਰੀ ਮਿਆਦ ਦੌਰਾਨ ਤੇਲਮੀਲ ਦਾ ਕੁੱਲ ਨਿਰਯਾਤ ਘਟ ਕੇ 43,42,498 ਟਨ ਰਹਿ ਗਿਆ ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ’ਚ 48,85,437 ਟਨ ਸੀ। ਯਾਨੀ ਸਾਲਾਨਾ ਆਧਾਰ 'ਤੇ 11% ਦੀ ਗਿਰਾਵਟ ਆਈ ਹੈ। ਇਹ ਗਿਰਾਵਟ ਮੁੱਖ ਤੌਰ 'ਤੇ ਰੇਪਸੀਡ ਮੀਲ ਅਤੇ ਕੈਸਟਰਸੀਡ ਮੀਲ ਦੇ ਨਿਰਯਾਤ ’ਚ ਕਮੀ ਕਾਰਨ ਹੈ। ਐਫਓਬੀ (ਫ੍ਰੀ ਔਨ ਬੋਰਡ) ਮੁੱਲ ਦੇ ਮਾਮਲੇ ’ਚ ਵੀ ਨਿਰਯਾਤ ਘਟ ਕੇ ₹ 12,171 ਕਰੋੜ ਰਹਿ ਗਿਆ, ਜਦੋਂ ਕਿ ਪਿਛਲੇ ਸਾਲ ਇਹ ₹ 15,368 ਕਰੋੜ ਸੀ, ਯਾਨੀ 21% ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।